شخصية مصرية من الصعيد تمتاز بالعلم والاخلاق والاخلاص في العمل عندها هدف تسعى الية

تحترم الصغير والكبير تحمل رسالة وامانة من جيل قديم الى جيل حديث
تعيد الحق الى اصحابه تسعى وتسهر وتدرس وتعتزبافراذ عائلة الجندي
وكل فرد في عائلة الجندي يعتز بها تتحدث بلباقة وثقة فيما تعمل وعندما تتحدث
الاستاذة فريجة تشعر وكأن مصر هي التي تتحدث في صنعت سبق في قضايا
وقف مصر في اسرع وقت لاكبر وقف هل تريد ان ترى مصر وهي تحكي
التاريخ كما يجب ان يكون بالدليل والحجة وفقها الله وسدد خطاها
واليك تسجيل فيديو تشرح فية لموكليها موقف قضية وقف علي الجندي
http://www.megaupload.com/?d=VQ70OWR9
http://www.megaupload.com/?d=VQ70OWR9

تسلم يدا يا استاز معلش اتغيبت شويه
وكل سنه وانت طيب

اهلا بك دائما وكل عام وانتم بخير

الفيديو النادر للمحامية تترافع امام موكليها اقصد تشرح لموكليها واخوتها القضية
وطبيعة ميراث علي الجندي قوة في الشخصية وثقة في النفس وشموخ وتواضع في نفس الوقت
http://www.megaupload.com/?d=VQ70OWR9

والان سوف يقوم الاستاذ / سميــــــــــــــــــــــر الجندي بعمل سبق صحفي مفاجيء لرواد الموقع من عائلة الجندي فليتفضل[

وكمان رابط معانا علشان عائلة الجندي

https://www.facebook.com/group.php?gid=76665228194&ref=mf

[b]فانتظرونا بمشيئة الله العلى القدير اخيكم سمير الجندى القاهرة الجمعه1/1/ عام سعيد عليكم 2010

أنا هحكيلكوا الموضوع تفصيليا لحد ما تزهقوا منى ومن التفاصيل يعنى تفاصيل التفاصيل

أولا:العنوان هو 49 شارع الملك فيصل بعد كوبرى المريوطية بحوالى 150 متر كدة
يعنى تقريبا قبل نهاية شارع الملك فيصل بشوية العمارة على أيدك الشمال وأنتا جاى من الجيزة وعلى أيدك اليمين قبلها بشوية سيراميكا كليوباتراعمارة أسمها عمارة المختار الدور الأول بعد الأرضى(الشقة لسة جديدة على السيراميك اللى هو تقريبا من سيراميكا كليوباترا ولم يوضع بها أى عفش غير مكتب صغير للسكرتيرة وأكيد جوة عند الأستاذة فريجة فى مكتب بس أنا ما دخلتش عند الأستاذة فريجة جوة فى المكتب لأن المقابلة معها فى المواعيد التى تحددها لفرع معين فى العيلة ولكن قريبا أنشاء الله الشقة هتجهز أفضل تجهيز)


المهم كدة وضح العنوان كويس
يعنى لو أنتا ساكن فى أى مكان فى الجمهورية أتجة رأسا الى ميدان الجيزة ومن ميدان الجيزة أركب أى حاجة عشان توصلك لقرب نهاية شارع الملك فيصل
لو معاك عربية ملاكى تروح بيها ماشى
لو هتركب ميكروباص ماشى
لو هتركب الأتوبيس الغالى أبو جنية ونصف برضو ماشى
لو هتركب الأتوبيس العادى برضو ماشى
لو هتركب المترو وهتنزل محطة فيصل وبعدها تمشى شوية وبعدها تركب ميكروباص لحد المكان الموصوف ماشى
لو هتركب الناقة وتشرخ بيها برضو ماشى
وع العموم كل المواصلات زحمة فى معظم الأوقات
يعنى روح هناك بالوسيلة اللى تريحك وكدة كدة الشارع زحمة والعربيات واقفة
دة غير العربيات اللى راكنة صف ثالث فى الشارع ومضيقة الشارع أكتر وأكتر ومعطلة الطريق
ووأنتا ماشى فى شارع الملك فيصل هتلاقى سيراميكا كليوباترا هتقول يبقى أنزل هنا...أقولك لا دة سيراميكا كليوباترا تموية.....لأن فية كذا سيراميكا كليوباترا فى شارع الملك فيصل والمكتب تقريبا عند ثالث سيراميكا كليوباترا


كدة متهيألى أحنا اتكلمنا فى العنوان بما فية الكفاية لأن اللى هيجى يقولى عايز العنوان بتاع المحامية بعد كدة أقل حاجة هعملها أنى هولع فى نفسى ههههههه



المهم ميعاد العمل بالمكتب
كل أيام الأسبوع من الساعة عشرة صباحا الى الساعة عشرة مساءا ماعدا يوم الجمعة فالعمل من الساعة 5 مساءا ...حتى الساعة 10 مساءا


تمام كدة يا جماعة المكان ومواعيد العمل خليكم مركزين معايا بس للأخر

خبر هام وعاجل جداااا : سوف يتم افتتاح موقع للأستاذة فريجة صافى حمد الجازوى خاص بعائلة الجندى بكل فروعها قريبا اللى عرفتة أن الموقع لسة تحت التصميم وهينتهى خلال عشر أيام والله اعلم ...... وربنا يسهل والموقع يخلص فى أقرب وقت لأنة هيسهل علينا كتير جدااااا

طيب الأوراق اللى طلبتها الأستاذة فريجة على لسان سكرتيرتها
1) شهادة وفاة الأب والجد للوريث
2)شهادات ميلاد الورثة الأحياء
3)توكيل رسمى عام فى القضايا (لا يحدد فية شىء يعنى ماتقولش لميراث عيلة الجندى لا خلية عام)
4)أعلام وراثة للوريث
5)وقالوا مفيش مانع من صور بطاقات الكمبيوتر للأسرة
6)لما تجهز الورق دة هتدية للسكرتيرة وهتكتبلك العقد اللى بينك وبين الاستاذة فريجة


طب كدة الورق تمام خلاص يا جماعة وانا يمكن أتكلمت عن الورق دة فى توبيك قبل كدة بأسم (((تعالوا نحضر اوراقنا))))

يعنى كدة أحنا أتكلمنا فى الورق بما فية الكفاية

طيب مواعيد المقابلة مع الأستاذة فريجة

المواعيد هيا اللى بتحددها
بتحدد ميعاد لكل فرع عيلة
يعنى ميعاد لكل ورثة أبن من أبناء محمد ابراهيم الجندى أغا الجمباظ التركى(اللى هو جدنا اللى سبلنا الميراث)

يعنى كل واحد لازم يعرف ميعاد فرعة أمتى عشان يروح يحضر

ويفضل أن كل كام فرع فرعى فى العيلة ينوبوا واحد عنهم ومنهم عشان يروح هناك عشان المكتب ما يبقاش زحمة

يوم 3/12/2009 الخميس....... فرع العيلة (على الجندى) دة كان أمبارح
يوم 24/12/2009 الخميس....... فرع عيلة الجندى(أحمد الجندى) يعنى بعد عشرين يوم وخلال العشرين يوم دول المفروض كل ورثة أحمد الجندى يكون حضروا ورقهم قبلها وكتبوا ومضوا العقود معاها عشان الموضوع يبقى ماشى تمام

كان عندى بصراحة يا جماعة أستفسارات كتير جدااا كنت عايز أعرفها بس للأسف الناس كتير وأسئلتهم كتير وانا اسئلتى اكتر لدرجة أنى زهقت السكرتيرة من كتر الأسئلة فزهقت أنا كمان وروحت مشي


بس بعد ما نزلت لقيت نفسى جعان جدااا
قولت لا أنا لازم أكل ما ينفعش اقعد جعان كدة روحت دخلت عند واحد بتاع كشرى أسمة كشرى العريس بصراحة الكشرى بتاعة مش عريس خالص
لأن حمص الشام مش مستوى كويس المهم ضربت طبقين كشرى وكنت عايز اخش فى الطبق الثالث بس قولت لا عشان أنام خفيف

طلعت من عند الراجل بتاع الكشرى ضربت كنز (كولا) وبعدها قولت بقى أنا عايز أروح أركب حاجة عشان اروح...قولت خلاص أنا هعدى الطريق عشان اركب ميكروباص للجيزة

ولكن للأسف دائما تأتى الرياح بما لا تشتهى السفن
كل الميكروباصات مليانة
كل الميكروباصات مش رايحة الجيزة
وجاء فرج الله لقيت ميكروباص رايح التحرير روحت ركبتة ونزلت قرب محطة مترو فيصل بس مشيت شوية المهم ركبت المترو وجيت البيت وكتبتلكوا كل حاجة

حد عايز حاجة تانى منى أنا هروح انام بقى عشان عندى شغل الصبح
والسلام ختام يا جندوة وعايز تعليقتكم

السلام عليكم ، اللة ينور على هذة الصفحة لقد قمت بتحميل مقطع الفيديو ووزعتة على العيلة وعاما نحن من السويس & ما رأيك انت بموضوع ميراث على الجندى بعد لقائك بالاستاذة فريجة وما سمعتة منها وهل فعلا هناك قضية بعائلة على الجندى ستترافع الاستاذة فريجة بشهر فبراير القادم ونشكرك مرة اخرى على مجهودك معانا

[b][b]الموضوع صح وفعلا فية قضية ادارية وليست بالمحاكم زي ما انت فاهم وخلصت بس التوزيع صعب محتاج تقسيم والاستاذة بتبحث هذا الموضوع والقضيه على وشك الانتهاء

السلام عليكم ورحمه الله
لوسمحتم انا عايزه اعرف لو كان علي علي اغا تبع الوقف لوحد عارف تقريبا في الفيديو المحاميه اتسالت بس للاسف مردتش

طبعا هناك وقف باسم علي علي الجندي ويقال ان علي علي الجندي هذا هو الجندي الكبير ولا تقلق الموضوع وقت فقط

الف شكر على موقعك الكريم ولكن نطمع فى استفسار ان سمعنا ان موضوع التأكد من ورثة على الجندى سيتم رسميا خلال الشهر الجارى او ماذا سيتم خلال الشهر الجارى

القضية انتهت يبقى موضوع التوزيع لا تقلق انها شهور قليلة